Автор: admin

23-февраль Ата Мекенди  коргоочулардын күнү

admin /

Урматтуу Мекендештер, кесиптештер!

Сиздерди 23-февраль Ата Мекенди  коргоочулардын күнү менен чын дилден куттуктайбыз. Эч качан майтарылбаган, кайраттуу,  күч кубаттуулугуңуздардан жазбастан,  Мекенди коргоодо сыймыгыбыз болуп журө беришиңиздерди каалап өтөбүз. Үй- бүлөлүк бакыт менен биргеликте бекем ден соолукта жана тайманбас эр жүрөк болуп, элибиздин намысын коргоп, Ала-Тоонун бейпилдиги үчүн аман болушуңуздарга тилектешбиз.

 №16 Кесиптик лицейдин кыздары тарабынан 23-Февраль Ата мекенди коргоочулар күнүнө карата уюштурулган “Мекенди коргоо – ыйык милдет ” аттуу патриоттук музыкалык кечеси өткөрүлдү.

Китеп куржун кербени

admin /

Бүгүн 16-февраль Ош шаарындагы № 16- Кесиптик лицейинде Республикада жүрүп жаткан «Китеп куржун» эстафеталык жүрүшү болуп өттү. Лицей окуучуларына китеп куржунун өткөрүп берүү үчүн  Ош шаардык мэриясынын социалдык өнүктүрүу бөлүмүнүн бөлүм башчысы Айдарбекова Максуда Апсаматовна келип куттуктоо сөзүн сүйлөп китеп куржунду салтанаттуу түрдө тапшырды.

Лицейдин окуучулары тарабынан чакан концерттик программа тартууланды. Анда  катышуучулар китепти даңазалап анын түгөнбөс байлыгы экендигин ыр, бий, күү, сахналык көрүнүштөрү аркылуу  чагылдырып беришти.

Өткөрүлгөн иш чара жогорку деңгээлде болуп окуучулардын китепке болгон кызыгуусу артып китеп акылдын, илимдин, дүйнөнүн ачкычы экенин түшүнүп билимге умтулуп жаткандары жүздөрүнөн байкалып турду.

Адамдын акыл эсин, билим деңгээлин, ой жүгүртүүсүн китеп аркылуу жогорулатсак болот. Азыркы учурда техника өнүккөн сайын китеп окуган студенттердин саны азайып  бара жаткандай.

Китеп окууну адатка айлантуу. Баарынан мурда китепке болгон көз карашыбызды, ниетибизди туурулашыбыз керек. Адамды өстүрбөй, ылдый тарткан жаман ойлордон кутулуу зарыл.

Окуу жайда болуп өткөн «Китеп куржун» эстафеталык кербенинин жыйынтыгында студенттер китеп окуп анын мазмунун жана максатын айтып беришти. Жыйынтыгында студенттердин китепке болгон кызыгуусу, көз карашы жана ой жүгүртүүсү байкалып турду. Дүйнө тагыраак айтканда аалам бир эле нерсеге баш ийет, ал да болсо илим, илим кайда десе ал китепте. Баарыңыздарды китеп окууга чакырабыз.

“Ата журтум – асыл мекеним”

admin /

2022-жылдын 2-февраль күнү лицейдин «Жаштык» жатаканасында студенттер арасында «Ата журтум – асыл мекеним» аттуу конкурс өткөрүлдү. Конкурста жатаканада жашаган студенттер туулуп өскөн жерин, өз мекенин даңазалап ыр ырдашып, көркөм окуу жана бийлерин көрсөтүштү.

Адабий ийрим. Литературный кружок.

admin /

Адабий ийрим

«Убакыт башкарылбайт», Ч.Айтматовдун «Кызыл алма.

Менин Пушкиним – Евгений Онегин жана Татьяна, Онегин поэмасынын негизинде.

 Заббара жана Раданын сүйүүсү, М. Горькийдин алгачкы аңгемелери боюнча ,, Макар Чудра ,,

Адабий ийримди №16 Кесиптик лицейинин орус тили жана адабияты мугалими Джорабаева Анара Асанкановна уюштурган.

Литературный кружок ,,Время неподвластно,, провел Литературный вечер по мотивам произведений Ч.Айтматова ,,Красное яблоко.

Мой Пушкин-Евгений Онегин и Татьяна, по поэме Онегин.
Любовь Забарра и Рады,по ранним рассказам М. Горького,,Макара Чудры,,
Литературный кружок организован преподавателем русского языка и литературы Профессионального Лицея 16 А Джорабаевой.

Поэзия кечеси

admin /

Чынгыз Айтматовдун туулган күнүнө карата лицейде поэзия кечеси өткөрүлдү. Кечеде окуучулар тарабынан даярдалган көркөм окуулар, Айтматовдун чыгармаларынан көрүнүштөр жана видеороликтер көрсөтүлдү. Лицейдин администрациясы тарабынан ыраазычылык билдирилди.

Викторина

admin /

Ош шаарындагы 16- кесиптик лицейде англис тили сабагы боюнча викторина болуп өттү, викторинанын  максаты студенттерди англис тилине болгон кызыгуусун арттыруу, сөз байлыгын жана ой жүгүртүүсүн өстүрүү .

Викторинада интерактивдүү методдорду колдонуу менен студенттер активдүү катышышты.

 

Спорттук мелдеш

admin /

Ош шаарындагы №16 Кесиптик лицейде 2021-жылдын 20-21-октябрь күндөрү тайпалар арасында волейбол жана футбол спорттун түрлөрү боюнча  мелдеш өткөрүлдү. Иш-чаранын сонунда, орундарга ээ болгон командалар жана оюнчулар грамоталар менен сыйланышты.

7-8-ноябрь “Тарых жана ата-бабаларды эскерүү” күндөрү

admin /

7- 8- ноябрь Тарых жана Ата-бабаларды эскерүү күнүнө карата Ош шаарындагы №16 Кесиптик лицейдин жамааты жана жергиликтүү башкаруунун жетекчилери менен биргеликте мамлекеттик ишмер Исхак Раззаковдун эстелигине барышып, саясий ишмер басып өткөн жолун, жетекчилик кызматта аркалап жүргөн учурун, азыркы кездеги мамлекеттик жетекчилер үчүн үлгү боло тургандыгы жана анын элеси, мамлекет үчүн жасап кеткен жумушу эч качан унутулбай тургандыгын айтып, эскерип, гүл чамбар коюшту

«Акыл ордо» интеллектуалдык сынагы

admin /

27-октябрь күнү Ош мамлекеттик университетинин физика-техника факультетинин 4-курстун студенттери Чербаева Гүлмира жана Турганбаева Анара кесиптик практикада №16 Кесиптик лицейде  тайпалар арасында «Акыл ордо» интеллектуалдык сынагын өткөрүштү. Жалпы 5 тайпадан экиден окуучулар катышышты. Сынак үч турда өттү. Эң көп упай топтогон 2-ШВ-2021 тайпасынын окуучулары I-орун, 4-АС-2021 тайпасынын окуучулары II-орун, 3-АС-2021 тайпасынын окуучулары III-орундарга ээ болушту. Жеңүүчүлөр грамота менен сыйланышты.