Автор: admin
/2024-жылдын 21-26-июнь күндөрү бекитилген график боюнча лицейде «Тигүүчү, тигүү жабдууларынын оператору», «Автоунаа каражаттарын оңдоочу слесарь», «Электр жабдууларын оңдоо жана тейлөө боюнча электромонтер», «Электр жана газ менен ширетүүчү», «Кургак курулуш адиси», «Веб жана мультимедиялык тиркемелерди иштеп чыгуучу», «Компьютерди жана кенсе техникаларын оңдоочу жана тейлөөчү устат» «Сантехника слесары» адистиктери боюнча квалификациялык сынактар өткөрүлүп жатат.
/Бүгүн 31- май күнү Ош шаарындагы №16 Кесиптик лицейдин мугалим-устаттар жана окуучулар жамааты №113 Кесиптик лицей баштаган “Ош шаарыбызды сактайлы ” аттуу тазалык акциясын Манас -Ата аймагында жайгашкан У.Салиева көчөсүндөгү аллеяны жана “Семетей” кинотеатрдын айланасын таштандылардан тазалоо менен аткардык.
“Ош шаарыбызды сактайлы!” тазалык акциянын максаты: жаштарды тазалыкка, патриоттуулукка, маданияттуулукка тарбиялоо жана жаратылышты сүйүүгө үйрөтүү болуп эсептелет. Ош шаарыбыздын таза жана көрктүү болушуна №16 Кесиптик лицей ар дайым салымыбызды кошуп келгенбиз мындан нары дагы кошобуз.
“Ош шаарыбызды сактайлы!” тазалык акциясын улантып №16 Кесиптик лицей эстафетаны Ош МУнун №12 Кесиптик лицейине узатабыз.
№16 Кесиптик лицей “Таза Ош шаарыбыз үчүн, Ош шаарыбыз баарыбыз үчүн!!!”
/2024-жылдын 25-май күнү лицейде “Акыркы коңгуроо” салтанаттуу аземи өткөрүлдү. Акыркы коңгуроо салтанатына лицейдин жетекчилиги, мугалимдер, устаттар, окуучулар, бүтүрүүчүлөр, ата-энелер жана ошондой эле меймандар катышышты. Башында лицейдин директору Акыркы коңгуроо салтанатын ачып берүү менен бүтүрүүчүлөргө куттуктоо сөздөрүн айтып алдыңкы окуучуларга грамоталарды жана ыраазычылык баракчаларын тапшырды.
Салтанатка Ош шаарындагы Орус үйүнүн директору Аврам Д.Н., москвалык акын Соболь Анжелика жана Русский домдун жетектөөчү адиси – Елена Георгиевна катышышты. Алар «Орус үйүнүн» иш-чараларына үзгүлтүксүз активдүү катышкан бүтүрүүчүлөрүн белгилеп ыраазычылык баракчаларын тапшырышты.
РДБнын директору Аврам Д.Н., мугалимдердин активдүү кызматташтыгын белгилеп, лицейде орус тилин жайылтууда көрсөткөн колдоосу үчүн лицейдин директору Н.Т.Абжалиевага ыраазычылык билдирип, мындан аркы кызматташууну каалап кетти.
Майрамдык салтанат окуучулар тарабынан даярдалган концерттик программа менен коштолду.
Ошондой эле бүтүрүүчүлөр жана ата -энелер мугалим-устаттарга ыраазычылык билдирип жылуу сөздөрүн айтып жана гулдестелерди тартуулап кетишти.
/
/
/Түштүк регионундагы эң чоң лицей деп аталган Ош шаарындагы № 16 Кесиптик лицейде жыл сайын салттуу өтүлүүчү мектептин бүтүрүүчүлөрү үчүн 2024-жылдын 25-апрелинде «Ачык эшиктер» күнү болуп өттү. Ага орто мектептердин мугалимдери, бүтүрүүчү окуучулар, алардын ата-энелери, шаардагы №52, №7, №38, №6, №11, №3, мектептердин жетекчилери, Кара-Суу районундагы №46, №81, №3, №89, №23, №86, №105, №57, №94, №86, №96, №66 мектептердин жетекчилиги жана каалоочулар катышты. Кесиптик лицейге мектептен келген конокторду лицей жамааты шаӊдуу музыкалар менен көӊүлдүү тосуп алышты.
Ачык эшиктер күнүнө карата лицей окуучуларынын колдорунан чыккан кол өнөрчүлүк көргөзмөсү көрсөтүлдү.
Келген коноктор кесиптик лицейдин материалдык-техникалык базасы менен кеӊири таанышышты. Мектеп окуучулары кызыгуу менен экскурсияга катышып, кызыккан суроолоруна жооп алышты.
Ошондой эле окуу жайдын окуучулары тарабынан даярдалган заманбап улуттук колориттеги, традициялуу эмес, униформа, аялдардын жана эркектердин сырткы кийимдеринин көрсөтмөсү тартууланды. Аталган кесиптик лицейдин жетекчиси Абжалиева Нематхон Токобековна эмгек рыногунун талабы – женил өнөр жайында өтө муктаждыкты талап кылып жаткандыгын белгилеп, учурда лицейдин 80ден ашуун окуучулары шаарыбыздагы ар кандай тигүү ишканаларына өндүрүштүк практикага чыкканын айтып, лицейдин бутүрүүчүлөрү жүз пайыз иш менен камсыз болорун айтып өттү. Ачык эшиктер күнүнө жалпысынан 440 адам катышты.
Кесиптик лицейдин жамааты мектеп бүтүрүүчүлөрүнө жакшы насаат сөздөрүн айтып, ачык эшик күнүнө мектептен келген мугалим окуучуларына жана жетекчилерине терең ыраазычылык билдирүү менен узатышты.
/2024-жылдын 20-апрель күнү жалпы лицейдин кызматкерлери менен окуучулары ишембиликке чыгып, айлана-чөйрөнү тазалоого активдүү катышышты. Окуу жайыбыздын айланасын санитардык тазалоо, көрктөндүрүү жана жашылдандыруу боюнча ишемби күндөрү, ишембиликке чыгуу жакшы салтка айланды.
/Бүгүн, 13-апрель күнү лицейдин кызматкерлери, мугалим, устаттар жамааты окуучулар менен ишембиликте: лицейдин айланасындагы жана Касымбеков көчөсүндөгү арыктар тазаланып, таштандылар чыгарылды.
Ош шаарынын мэриясынын 2024-жылдын 27- февралындагы “Ош шаарын жашылдандыруу, көрктөндүрүү жана санитарнык тазалоо боюнча жазгы үч айлыкты жарыялоо токтомунун негизинде жана КР ББИМнин тарабынан жарыяланган “Бир окуучу -бир дарак” акциянын алкагында , Республикада 6-апрель көчөт отургузуу күнүнө карата Ош шаарындагы №16 Кесиптик лицейдин окуучулары жана мугалим-устаттары жалпы шаардык ишембиликке активдүү катышышты. Окуу жайдын айланасын тазалоо актап-сырдоо иштерин жана бак тигүү, көчөт отургузуу иштерин мыкты аткарышты. №16 Кесиптик лицейдин жамааты таза жана жашыл Ош шаар үчүн!!!
/Беш жылдык аккредитациядан өтүү мөөнөтү келгендигине байланыштуу Ош шаарындагы №16 Кесиптик лицейи 2024-жылдын 29-март күнү төрт кесип:
“Эл баасы” аккредитациялоо агенттигинин беш жылга аккредитациядан өттү.
/Ош шаарындагы №16 Кесиптик лицейде Нооруз майрамы өткөрүлдү. Нооруз майрамында арча түтөтүп, айлананы жамандыктан тазалоо менен окуучулар кыргыз элинин каада салтын, урп адатын чагылдырып, улуттук оюндары ойнотулуп, ыр бий менен коштолду.
