/
Ош шаардык дене тарбия жана спорт комитети тарабынан өткөрүлгөн Кыз-келиндер күрөшү боюнча чемпионатта кыздар арасында 1-орунду ээлеген №16 Кесиптик лицейинин 47-ШВ-2023 тайпасынын окуучусу Ташбаева Феруза спорттун «күрөш» түрүндө ийгилик жаратты. Ийгиликтериң мындан ары да уланып, Кыргызстандын желегин желбиреткен кыздардын атын толуктап жүрө бер!
/2025-жылдын 31-март күнү лицейдин окуучулары Кыргыз-Өзбек эл аралык университетинин башкы имаратында “Тюрингияда кыргызстандыктар үчүн билим берүү” аталышындагы форумга катышып келишти.
Форумдун жүрүшүндө Германиялык адистер тарабынан “Германиядагы дуаллдык билим берүүнүн мисалында заман талабына жараша билим берүү менен бизнестин ортосундагы карым-катыштын жаңы моделдери” жана “Кыргызстандыктар үчүн билим берүү жана жумушка жайгаштыруу” багытындагы мүмкүнчүлүктөр тууралуу презентация болду. Окуучулар кызыккан суроолорун берип жооп алышты.
/Кыргыз Республикасынын Өкмөтүнүн 2021-жылдын 4-майындагы №200 токтому менен бекитилген 2021–2040-жылдары Кыргыз Республикасында билим берүүнү өнүктүрүү программасынын негизинде, Билим берүү жана илим министрлиги 2025-жылга карата иш-аракеттер планынын алкагында, ошондой эле “Алтын казык” билим берүү системасын трансформациялоо программасын ишке ашыруу максатында, “Worldskills Kyrgyzstan” жумушчу кесиптер боюнча экинчи чемпионаты уюштурулду. Бул иш-чара жаштар арасында кесиптерди жайылтуу жана жумушчу кадрларды даярдоонун сапатын жогорулатууга багытталган.
2025-жылдын 26-Март күнү Ош шаарындагы №12 Кесиптик лицейинде өткөрүлгөн регионалдык WorldSkills Кыргызстан – жумушчу кесиптер чемпионатында №16 Кесиптик лицейдин технология мода боюнча катышуучусу № 31-ШВ-2023 тайпасынын окуучусу Токонова Самара Арстаналиевна I орунду ээлеп, Республикалык турга жолдомо алды. Ширетүү технологиясы боюнча № 53-СВ-2024 тайпасынын окуучусу Тажидинов Ахрорбек Акмалжанович II орунду ээледи.
/Баарыңыздарды жаздын Нооруз майрамы менен куттуктайбыз!
№16 Кесиптик лицейде Нооруз майрамына карата иш – чара өткөрүлдү.
Лицейдин директору Нематкан Токобековна Нооруз майрамы – жаздын келишин жана жаңы жашоонун башталышын белгилеген майрам экенин баса белгиледи. Ал бул жыл берекенин, молчулуктун, токчулуктун жана тынчтыктын жылы болушун каалап, майрамдык иш-чараны ачып берди.
Бүгүн биздин таланттуу окуучуларыбыз майрамдык кечеде концерттик программасы менен майрамдык маанайды түзүштү.
Нооруз майрамына арналган иш-чарабыз аркан тартыш, 24 кг салмактагы гир көтөрүү, кол күрөш жана башка улуттук оюндар менен коштолду.
Окуу жайдын окуучулары активдүү катышты.
Кыргыз элинин улуттук тамак-аштарын жана улуттук оюндарын кийинки муунга өткөрүп берүүдө окуу жайдын жалпы жамаатынын жана окуучуларынын салымы чоң.
/№16 Кесиптик лицейинде Аталар күнүнө карата атайын “Аталар – үй-бүлөнүн тиреги, коомдун таянычы!” деген темада тарбиялык саат өткөрүлдү. Иш-чаранын негизги максаты – окуучуларга аталардын үй-бүлөдөгү, коомдогу орду жана алардын тарбиялоодогу маанилүү ролу жөнүндө түшүнүк берүү болду.
Бул тарбиялык сааттын милдеттери:
Тарбиялык саат жылуу маанайда өтүп, окуучуларга терең таасир калтырды.
Урматтуу Аталар!
Сиздер – үй-бүлөнүн тиреги, коомдун таянычы, балдарыңыз үчүн жаркын келечекти куруучулардын башында турасыздар! Акылыңыздар, мээримиңиздер жана түйшүгүңүздөр менен үй-бүлөнү бекемдеп, туруктуулуктун, чыдамкайлыктын жана чыныгы эрдиктин үлгүсүн көрсөтүп келесиздер.
Ар бир күнүңүздөр кубанычка, урмат-сыйга жана үй-бүлөлүк жылуулукка толсун! Ден соолугуңуздар бекем, өмүрүңүздөр узун, иштериңиздер ийгиликтүү болсун! Балдарыңыздын сыймыгы, үй-бүлөңүздөрдүн бактысы болуп жүрө бериңиздер!
Аталар күнүңүздөр кут болсун!
/Кымбаттуу айымдар!
Сиздерди жаздын эң жарык, эң жылуу майрамы – Аялдардын эл аралык күнү менен чын жүрөктөн куттуктайбыз! Бул күн сиздерге кубаныч, бакыт, сүйүү жана гармония алып келсин. Ар дайым жүзүңүздөн жылмаюу кетпесин, жүрөгүңүз тынчтыкта болсун, өмүрүңүз жаркыраган күндөргө, жагымдуу көз ирмемдерге толсун!
Сиздер – бул дүйнөнүн көркү, жашоонун жылуулугу, үй-бүлөнүн куту жана коомдун таянычысыздар! Жарык дүйнөгө жылуулук тартуулаган назиктигиңиздер, мээримиңиздер жана акылмандыгыңыздар үчүн терең ыраазычылык билдиребиз.
Жашооңуздар сүйүү жана бакытка толуп, ар бир күнүңүздөр жакшы кабар, ийгилик жана жаңы мүмкүнчүлүктөр менен коштолсун!
Майрамыңыздар кут болсун
/Саламатсыздарбы, достор!
8-Март – Эл аралык аялдар күнүнүн алдында менин активдүү ийримчилерим “Время неподвластно” Оштогу Орус үйүнө чакырылышты. Биз бул уюм менен көп жылдан бери кызматташып келе жатабыз.
Менин кыздарым өз алдынча, жоопкерчиликтүү болушкандыктан, майрамга өздөрү барышты жана бүгүн саат 13:00дө Улуу Жеңиштин 80 жылдыгына арналган Олимпиадага катышышат.
Аларга ийгилик каалайм! Алар бизди уят кылбайт деп билем жана биздин лицейдин – түштүктүн алдыңкы окуу жайынын – желегин, билимин жана наамын дагы да бийик көтөрүшөт!
Дайыма тынчтыкта жана жакшылыкта жашагыла!
/Ош шаарындагы №16 Кесиптик лицейде 5-март – Ак калпак жана улуттук кийимдер күнү өзгөчө шаң менен белгиленди. Иш-чаранын алкагында лицейдин студенттери кыргыз элинин улуттук баалуулуктарын даңазалоо максатында түрдүү маданий жана патриоттук иш-чараларды өткөрүштү.
Лицейдин ак калпакчан жигиттери улуу мурасты урматтоо иретинде салтанаттуу жөө жүрүш жасашты. Алардын улуттук кийимдери, көкүрөктөгү мекенчилдик деми айлана-чөйрөгө өзгөчө руханий атмосфера тартуулады
Бул иш-чара жаш муундун улуттук аң-сезимин көтөрүп, маданий мурастарды даңазалоого чоң салым кошту. Лицейдин жетекчилиги жана окутуучулар жигердүү катышып, студенттерге мекенчилдиктин, улуттук биримдиктин маанилүүлүгүн баса белгилешти.
Мындай иш-чаралар улуттун маданий өзгөчөлүгүн сактоо менен бирге, жаштардын руханий өнүгүүсүнө да чоң өбөлгө түзөрү шексиз
/Ош шаарындагы №16 Кесиптик лицейде 4-март күнү “Биз баңгизатка каршыбыз” аттуу маанилүү иш-чара болуп өттү. Бул иш-чарага КР ИИМ Бангизатын мыйзамсыз жүгүртүүгө каршы күрөшүү кызматынын алдын алуу жана коомчулук менен өз ара аракеттенүү бөлүмүнүн ыкчам өкүлү, милициянын подполковниги Жапакова Гулмира Жузубалыевна, катышып, баңгизаттын адам баласына тийгизген терс таасирлери, анын кесепеттери жана алдын алуу жолдору тууралуу кеңири маалымат берди.
Иш-чаранын алкагында студенттер арасында дубал газеталар боюнча чыгармачыл конкурс уюштурулду. Ар бир тайпа өздөрүнүн эмгектерин тартуулап, анда баңгизатка каршы күрөштүн маанисин сүрөт, ураан жана тексттер аркылуу чагылдырды. Катышуучулар өз эмгектерин талдап, идеяларын түшүндүрүп беришти.
Конкурстун жыйынтыгында калыстар тобу мыкты деп тапкан иштерди тандап, жеңүүчүлөргө баалуу белектер ыйгарылды. Бул иш-чара студенттердин баңгизат тууралуу маалыматын арттырып гана тим болбостон, аларды сергек жашоого үндөгөн маанилүү иш-чаралардын бири болуп калды
/Бүгүн, 3-март – эгемендүү өлкөбүздүн Туусу кабыл алынган күн. Бул маанилүү датага карата №16-кесиптик лицейинде чакан иш-чара уюштурулуп, Кыргыз Республикасынын Туусу салтанаттуу түрдө көтөрүлүп, Гимн жаңырды.
Кыргыз мамлекетинин туусу – бир түстүү кызыл, ал эрдиктин, тайманбастыктын жана элибиздин биримдигинин символу болуп саналат. Туунун борборундагы жаркыраган алтын күн – бейпилдикти жана бакубат жашоону чагылдырат. Мамлекеттик символубузга аяр мамиле кылуу ар бир Кыргызстандын жараны үчүн ыйык милдет.
Иш-чаранын жүрүшүндө окуучуларга Кыргызстандын Туусунун кабыл алынган күнү, анын тарыхы жөнүндө кеңири маалымат берилип, ошондой эле туунун авторлорунун өмүр баяндары менен тааныштырылды. Мындан тышкары, жаңыланган Туу боюнча да кошумча маалымат берилди.
