/Ош шаарындагы №16 Кесиптик лицейде педагогикалык жамаатка педогагогикалык окуу жүрүп жатат. Педагогикалык окуу учурунда жалпы мугалим-устаттар заманбап мугалимдин талаптарына туура келген маалыматтар, инновациялык усулдар менен болүшүүдө. Педагогикалык жамаат үчүн педагогикалык окуу жемиштүү өтүлүүдө.
/Учурдун актуалдуу көйгөйү болуп турган маселелердин бири зордук-зомбулук.
№16 Кесиптик лицейинде зордук-зомбулукка каршы акциясына карата тарых мугалими Айткулова Ибарат “Зордук-зомбулуксуз жашоо” деген темада II-курстун студенттери менен дебат өтүп, окуучулар арасында
Дебатта окуучулар өз ой-пикирлерин эркин айтып талкуулашып зордук-зомбулуксуз жашоого биргеликте, ынтымактуулук менен жетишебиз деген бүтүмгө келишти.
/Кыргызстанды дүйнөгө тааныткан кыргыздын залкар жазуучусу Чынгыз Төрөкулович Айтматов көзү тирүү болгондо быйыл 12-декабрь күнү 95 жашка чыкмак.
Жазуучубуздун 95 жылдыгына карата Ош шаарындагы №16 Кесиптик лицейинде орус тили жана адабияты мугалимдери тарабынан Чынгыз Айтматовдун өмүрү жана чыгармачылыгына арналган лицейдин I- курсунун студенттеринин арасында интелектуалдык оюн өткөрөлдү.
/2023-жылдын 8-декабрь күнү №16 Кесиптик лицейинде ата-энелер конференциясы болуп өттү. Конференцияда окуу жайдын жетекчилиги тарабынан лицейде жүргүзүлүп жаткан окуу-өндүрүштүк процесстердин өзгөчөлүктөрү, жаӊы киргизилген өзгөрүүлөр, жаштардын тарбиясындагы актуалдуу маселелер кеӊири айтылды. Ошондой эле лицейдеги материалдык-техникалык базанын өнүгүүсүн , окуучулардын кесип үйрөнүүгө шарттар дагы да жакшырганын слайд аркылуу ата-энелерге тааныштырылды.
Жаштардын билимин, тарбиясын туура багытта жүргүзүү максатында мугалимдер ата-энелер менен биргеликте иш алып баруусу зарыл экендигин баса белгиленди.
Ата-энелер лицей жетекчиликчилигинин сөздөрүн колдоп ыраазычылык билдиришти. Конференциянын аягында Ата энелер суроолорун, сунуштарын беришип жана жоопторду алышты. Негизинен ата-энелер конференциясы натыйжалуу болду жана лицей жетекчилиги балдарынын келечегине кайдыгер болбой келген ата-энелерге ыраазычылык билдирип кетти.
/2023-жылдын 7-декабрь күнү №16 Кесиптик лицейинин «Жаштык» жатаканасында Ч. Айтматовдун 95 жылдыгына карата иш чара болуп өттү.
Жатаканада жашаган окуучулар активдүү катышып, көркөм окуу жана «Махабат сыры», «Делбирим», «Улуу Кыргыз Чыӊгызга аттуу ырлар ырдалды.
«Кыямат» романынан кыскача көрүнүш көрсөтүлдү. Кыздар кыргыз бийин бийлешти.
/Ош шаарындагы №16 Кесиптик лицейинде СПИДке каршы күрөшүү күнүнө карата Ош облустук кан аркылуу жугуучу вирустук гепатиттерди жана АИВ -инфекциясынын эпидемиология бөлүмүнүн башчысы Бурканов А.А окуучуларга «ВИЧ/СПИД жөнүндө маалымат» темасында лекция окуду. Лицейде тайпалар арасында дубал гезит жана сүрөт көргөзмөсү өткөрүлдү.
/Ош шаарындагы №16 Кесиптик лицейинде 2023-жылдын 27-ноябрь күнү «Тигүүчү, тигүү жабдууларынын оператору» жана «Электр газ менен ширетүүчү» кесиби боюнча 2-3-курстагы окуучулар арасында “Кесиптин мыктысы” аттуу чемпионаттын I-туру болуп өттү. Жеӊүүчүлөр аныкталып, аларга сыйлоо баракчалары тапшырылды жана чемпионаттын II-туруна жолдомо берилди.
/Кыргыз элинин улуу жазуучусу Чыӊгыз Айтматовдун 95 жылдыгына карата «Аалам алпы – Айтматов» аталышындагы ачык сабак өтүлдү.
Сабактын максаты: Чыӊгыз Айтматовдун адабияттагы ордун, ишмердүүлүн даӊазалоо. Айтматов жана анын чыгармалары аркылуу окуучуларга таалим тарбия берүү, чыгармачылык шык жөндөмдөрүн өстүрүү. Айтматовдун чыгармаларын ийнине жеткире көркөм окуу, чыгармачыл таланттарды тандоо.
/2023-жылдын 24-ноябрь күнү Ош шаарындагы №16 Кесиптик лицейде Кыргыз эл жазуучусу Ч.Айтматовдун 95 жылдыгына карата “Каармандар сүйлөйт” аттуу иш чара болуп өттү. Иш чаранын жүрүшүндө Ч.Айтматовдун чыгармаларынан үзүндүлөр окуучулар тарабынан аткарылып, жогорку деңгээлде уюштурулду. Негизинен жалпы чыгармаларга саякаттоо болду.
/
2023-жылдын 22-ноябрында Ош шаарындагы С.Ибраимов атындагы Ош Улуттук драма театрында бош жумуш орундар жана кесиптер жарманкеси өткөрүлдү. Жарандарды, окуу жайлардын бүтүрүүчүлөрүн ишке орноштурууга көмөк көрсөтүү, жумушсуз жарандарды жана жаштарды эмгек рыногунда атаандаштыкка жөндөмдүүлүгүн жогорулатуу үчүн окуу мүмкүнчүлүктөрүн кеӊейтүү, ошондой эле жарандарды иш менен камсыз кылуу жаатындагы кызматтар жөнүндө маалымат берүү максатында өткөрүлгөн жарманкеге Ош шаарындагы окуу жайлардын баары активдүү катышышты.
