Өтүлгөн темалар боюнча орус адабиятынан отчеттук сабак

admin /

2024-жылдын 20-декабрь күнү орус адабиятынан жыйынтыктоочу сабак болуп өттү.

Сабактын максаты:

  1. Өтүлгөн темалардын консолидациясы:
    • И.Тургенев, А.Островский, И.Бунин, Ч.Айтматовдун чыгармаларын карап чыгуу.
  2. Чыгармалардын реалдуу турмуш менен байланышын талдоо:
    • Бул чыгармалардын азыркы турмуш менен кандай байланыштары бар экенин аныктоо.
  3. Анализдерди, корутундуларды жана баалоолорду жүргүзүү, ошондой эле өз көз карашын өнүктүрүү жана коргоо жөндөмүн өрчүтүү.
  4. Биздин доордо чыгармалардагыдай кырдаалдардан чыгуунун жолдорун изилдөө.
  5. Өткөрүлгөн материалдарды оюн, диалог жана монолог түрүндө бышыктоо.

Сабактын планы:

  1. Сабактын максатын жана милдеттерин айтуу.
  2. Монолог: “Оо, улуу орус тили!” (И.Тургенев) — Шарикова Асема (47-группа).
  3. Драма: “Күркүрөгөн бороон” чыгармасындагы образдар (Марфа Игнатьевна, Катерина, Тихон, Варвара, Борис) — 47 жана 50-группалардын студенттери.
  4. Монолог: Ч.Айтматовдун “Ак пароход” повестинен үзүндү — Нуриза (47-группа).
  5. Изилдөө: И.Буниндин “Караңгы аллеялар” чыгармасындагы Надежда менен Николай Алексеевичтин образдары (47 жана 50-группалар).
  6. Прозадагы ырлар: “Ит” (И.Тургенев), окуган — Бегимай (47-группа).
  7. Чыгарма: Татьянанын Онегинге жазган каты.
  8. Орус ыры: “О, вибурнум гүлдөп жатат!” — кыздар хору (47-группа).
  9. Орус бийи: “Ак куу”.
  10. Сабактын корутундусу: Окуучулардын сурамжылоосу жана жалпы талкуу.

Сабакка катышкан жана баа бергендер:

  • Каримова А.М. — окуу бөлүмүнүн башчысы.
  • Жылчиева Г. — усулчу.
  • Евсюкова Р.Н. — директордун орун басары.
  • Нишанова К. — лицейдин улуу устаты.
  • Байтикова Н. —сапат менеджменти
  • Хакимова Ф. — 47-тайпанын устаты.
  • Саякова Ф.И. — бизнес мугалими.

Жыйынтык:

Окуучулар материалдар менен жогорку деңгээлде иштешти. Алардын аткарган образдары терең мүнөзгө ээ болду. Чыгармалардын аткарылышы көрүүчүлөргө таасир берип, кээ бирлерин ыйлатты. Өзгөчө белгиленгендер:

  • Марфа Игнатьевнанын ролу (“Күркүрөгөн бороон”).
  • Надежда менен Николай Алексеевичтин образдары (“Караңгы аллеялар”).
  • Катерина — Амина жана Адина.
  • Евгений Онегин — Максут.
  • Борис — Нурсултан.
  • Варвара — Марфа Игнатьевнанын кызы.

Чыңгыз Айтматовдун туулган күнүнө арналган эскерүү кечеси

admin /

Дүйнөгө белгилүү улуу жазуучу Чыңгыз Айтматовдун туулган күнүнө карата биздин лицейде өзгөчө масштабдуу жана мазмундуу иш-чара уюштурулду. Бул иш-чаранын негизги максаты – жазуучунун өмүр жолун, чыгармаларындагы улуу баалуулуктарды жана мурастарын жаш муундарга жеткирүү болуп саналат.

Кеченин алкагында Ч.Айтматовдун балалык кезинен баштап өмүрүнүн аягына чейинки басып өткөн жолу кеңири баяндалып, анын чыгармачылыгынын дүйнөлүк адабияттагы орду баса белгиленди. Окуучулар тарабынан чоң кызыгуу менен даярдалган “Ала-Тоодон ааламга үн салган – Айтматов” аттуу адабий кече көрүүчүлөрдүн жүрөгүн козгоп, чоң таасир калтырды.

Кеченин жүрүшүндө:

  • Ч.Айтматовдун чыгармаларынан үзүндүлөр сахналаштырылып көрсөтүлдү.
  • Таланттуу окуучулар көркөм окууларды аткарып, жазуучунун философиялык ойлорун жана эстетикалык баалуулуктарын чагылдырган монологдорду көрүүчүлөргө тартуулашты.
  • Жазуучунун элесине арналган ырлар, музыкалык чыгармалар жана чакан көргөзмөлөр уюштурулду.

Бул иш-чара окуучулар үчүн гана эмес, лицейдин мугалимдери жана коноктор үчүн да унутулгус маданий жана тарбиялык мааниге ээ болду. Ч.Айтматовдун чыгармаларынан алынган идеялар жаштардын турмуштук көз карашына жана инсандык сапаттарын өнүктүрүүгө чоң салым кошору шексиз.

Иш-чаранын соңунда катышуучулар жазуучунун чыгармачылыгы аркылуу жашоонун терең философиясын жана инсандык баалуулуктарды аңдап-билүү мүмкүнчүлүгүнө ээ болушканын баса белгилешти.

Биздин максатыбыз – ар бир окуучунун Ч.Айтматовдун чыгармаларынан таасир алып, аны өз турмушунда пайдалана алышына жетишүү. Эскерүү кечебиз максатына жетти деп ишенимдүү айта алабыз.

DARYA SCAFFOLD

admin /

Ош шаарында №16 Кесиптик лицейинде 2024-жылдын 4-декабрында DARYA SCAFFOLD карталар топтому боюнча семинар болуп өттү.

Семинарга Ош облусундагы кесиптик лицейлерден төмөнкү категориядагы кызматкерлер катышты:

  • 1 өндүрүштүк окутуунун устаты
  • 1 предметтик мугалим
  • 1 атайын технология мугалими

Жалпы катышуучулардын саны — 42 адам.

Семинарда DARYA SCAFFOLD карталар топтому боюнча теориялык жана практикалык темалар талкууланып, кесиптик билим берүүнү жакшыртуу, жаңы методикаларды жана технологияларды колдонуу боюнча билим берүү жана тажрыйба алмашуу болуп өттү.

Иш кагаздарын мамлекеттик тилде туура жүргүзүү

admin /

Ош шаарындагы №16 Кесиптик лицейинде 2024-жылдын 3-декабрында ОшМУнун филология илимдеринин кандидаты, доцент Байтикова Бактыгүл Батырбековна жана Апышова Махабат тарабынан жаңы нускамага ылайык “Иш кагаздарын жүргүзүү” боюнча бир күндүк семинар өткөрүлдү.
Семинардын негизги максаты – “Иш кагаздарын жүргүзүү” боюнча жаңы нускамага ылайык, катышуучуларга заманбап ыкмаларды, эрежелерди жана талаптарды түшүндүрүү. Бул аркылуу кагаз иштерин уюштуруудагы тактыкты, ырааттуулукту жана натыйжалуулукту жакшыртуу, ошондой эле катышуучулардын кесиптик көндүмдөрүн арттыруу көздөлгөн.
Мындай иш-чаралар документтерди туура толтуруу, сактоо жана иштетүү маданиятын калыптандырууга өбөлгө түзүп, мекемелерде башкаруу процесстерин оптималдаштырууга жардам берет.

Мастер класс

admin /

Ош шаарындагы №16 Кесиптик лицейи менен ОшМУнун Индустриялык-педагогикалык колледжи 2019-жылы түзүлгөн меморандумдун негизинде жыл сайын тажрыйба алмашуу максатында иш-чараларды өткөрүп келет. Бул жылдын алкагында дизайн жана КМТШИ адистиктеринин студенттерине аталган лицейдин улук устаты Нишанова Кайыргүл Алишеровна “Өндүрүштүк окутуу сабагынын структурасы” деген темада сабак өттү. Ошондой эле 4-курстун студенттери үчүн практикадан өтүү боюнча келишимдер түзүлдү.

Келишимдин негизинде ОшМУнун Индустриялык-педагогикалык колледжинин КМТШИ адистигинин 6 студенти практика учурунда кесиптик лицейдин 1-2-курсунун окуучуларына мастер-класстар өтүп, өздөрүнүн кесиптик көндүмдөрү менен бөлүштү.

DARYA SCAFFOLD Ош

admin /

Түштүк региону боюнча Ош мамлекеттик университетине караштуу Индустриялык-педагогикалык колледжде Darya Scaffold карточкалар методикасы менен иштөө боюнча семинар-тренинг өткөрүлдү. Иш-чараны IT тармагы боюнча проректор Молдояров Уларбек Дүйшөбекович ачып берди. Семинарга №16 Кесиптик лицейинен мугалим-устаттар Айтиева Алтынай, Алимбаева Гүлбарчын жана Кудайбердиева Айзада катышып, квалификацияларын жогорулатып кайтышты.

SCAFFOLDду колдонуу

admin /

Ош шаарындагы №16 Кесиптик лицейи билим берүү процессинде инновациялык методдорду ишке ашыруу иштерин улантууда. Лицейдин мугалимдери пилоттук долбоорлордун алкагында SCAFFOLD методикасын активдүү өздөштүрүп, аны теориялык жана практикалык сабактарда колдонуп башташты.

Жакында химия мугалими Юсупова Элнура SCAFFOLD методикасынын негизги аспаптарынын бири болгон SCAFFOLD карталар топтомун колдонуп, ачык сабак өткөрдү. Сабактын жүрүшүндө окуучулар татаал темаларды өз алдынча өздөштүрүү үчүн уюшкан жана натыйжалуу ыкмалар менен иштөө мүмкүнчүлүгүнө ээ болушту.

Бул сабак инновациялык ыкмалардын натыйжалуулугун жана окуучулардын сабакка кызыгуусун арттыра тургандыгын көрсөттү. SCAFFOLD карталары окуучулардын түшүнүгүн тереңдетүү, аналитикалык ой жүгүртүүсүн өнүктүрүү жана өз алдынча иштөө көндүмдөрүн жакшыртуу үчүн пайдалуу курал катары өзүн далилдеди.

DARYA SCAFFOLD Бишкек

admin /

Ош шаарындагы №16 Кесиптик лицейинин мугалим устаттарынын Бишкек шаарында жайгашкан Республикалык Илимий Методикалык Борборунда (РИМБ) өткөрүлгөн пилоттук билим берүү мекемелеринде SCAFFOLD методикасын ишке ашыруу боюнча семинарга активдүү катышып, мугалимдерди SCAFFOLD методикасын колдонуу боюнча теориялык жана практикалык көндүмдөр менен камсыз кылуу, алардын педагогикалык ишмердүүлүгүндө инновациялык ыкмаларды ишке ашыруу боюнча тренер деген сертификатка ээ болушту.

 

1-декабрь СПИДке каршы күрөшүү күнү

admin /

Ош шаарындагы №16-Кесиптик лицейинде 1-декабрь “СПИД”ке каршы күрөшүү күнүнө карата “Новый Ритм” коомдук уюму тарабынан окуучуларга ВИЧ СПИДдин жугуу жолдору жана алдын алуу боюнча толук маалымат берилип, суроо-жооп активдүү катышкан окуучуларга кызыктыруучу белектер берилди.

Ош шаарындагы №16 Кесиптик лицейдин 48-ШП-2024 тайпасынын окуучулары 2024-жылдын 13-декабрь күнү «Кыргыз Республикасында ВИЧ-инфекциясына каршы күрөшүү максаттарына жетүү жана эпидемияны көзөмөлдөө боюнча иш-чараларды улантуу» темасында “Новый Ритм” коомдук уюму уюштурган “Калкалайм” аттуу форумга активдүү катышып келишти.